Enepal Patra Pvt. Ltd. , ३८० पटक हेरिएको
उर्लाबारी १४ कार्तिक । नेकपा एमालेले लेटाङ नगर अध्यक्षमा कृष्ण लुइँटेल सर्वसम्मत निर्वाचित भएका छन् । पार्टीको प्रथम नगर अधिवेशनमा अध्यक्ष पदमा ४ जनाले उमेदवारी दिएकामा अन्ततः सहमतिको आधारमा जनप्रतिनिधि समेत रहेका लेटाङ नगरपालिका वडा नम्बर ९ का वडाध्यक्ष लुईटेल अध्यक्षमा निर्वाचित भएका हुन्।
त्यस्तै प्रथम ऐतिहासिक नगर अधिवेशनबाटै उपाध्यक्षमा बालकुमार श्रेष्ठ, सचिवमा जित बहादुर तामाङ, उप सचिव ९पुरूष०मा खड्क बहादुर दिल मगर र उप सचिव (महिला ) मा पुनम मास्की मगर निर्वाचित भएका छन्।
अध्यक्ष लुइँटेल सहित सम्पुर्ण ७१ सदस्यीय निर्वािचत कमिटीले शनिबार मध्यरातिनै पद तथा गोपनियताको सपथ ग्रहण गरेका छन्। अध्यक्ष लुइँटेललाई प्रतिनिधि सभा सदस्य तथा एमाले प्रदेश नम्बर १ कमिटी सदस्य घनश्याम खतिवडाले र अन्यलाई अध्यक्ष लुइँटेलले सपथ गराएका थिए ।
प्रकाशित मिति: २०२१-१०-३१ , समय : १३:३३:४८ , ३ वर्ष अगाडि