आयाेजककाे उपाधि यात्रा समाप्त ,सैनिक युथ क्लब फाइनल प्रवेश

हरि काेइराला,

कानेपोखरी(मोरङ), २८ माघ । आयोजक मितेरी युवा क्लबलाई ४–० गोलले हराउँदै सैनिक युथ क्लब झापा, मितेरी च्यालेन्ज कप फुटबल प्रतियोगिता २०७७ को फाइनल प्रवेश गरेको छ ।
मोरङको कानेपोखरी–७ स्थित जनकल्याण माविको खेल मैदानमा जारी आजको खेलमा २४ औं मिनेटमा रोमन भुजेलले गोल गरे । एक पक्षीय खेलमा आयोजक मितेरी क्लब १ गोलले पछि परेपछि रक्षात्मक देखिएको थियो । खेलको ४९ औं मिनेटमा सैनिक फुटबल क्लबका आशिष चापागाईले १ गोल थपे । अभिषेक गुरुङको पासलाई सदुपयोग गर्दै आशिषले गोल गरेका थिए । खेलको ६० औं मिनेटमा रोमन भुजेलले अर्को १ गोल थप्दै ब्यक्तिगत २ र टिमका लागि तेस्रो गोल गरे । एकपछि अर्को गोलपोष्टमा आक्रमण गरेको सैनिक फुटबल क्लबले खेलको ६७ औं मिनेटमा अर्को १ गोल थप्यो । सैनिकका लागि चौथो गोल विकेश लिम्बूले गरे । उद्घाटन खेलमा सुनसरीको सनत फुटबल क्लबलाई ४-० गाेलले स्तब्ध बनाउँदै सेमिफाइनलमा प्रवेश गरेकाे आयाेजक मितेरी युवा क्लबकाे आजको हारसँगै उपाधि यात्रा टुङ्गिएकाे छ ।
आजको खेलमा सैनिक फुटबल क्लवका सञ्जित राई म्यान अफ द म्याच घोषितभए । बिहीबार दोस्रो सेमिफाइनल खेल गाइघाट फुटबल क्लब उदयपुर र सुनसरीकाे धरान सिटी एकेडेमी बीच हुनेछ ।

प्रकाशित मिति: २०२१-०२-१० , समय : १९:५५:१३ , ४ वर्ष अगाडि