नगर प्रमुखद्वारा धान दिवसको शुभकामना

लेटाङ(मोरङ), १५ असार । मोरङको लेटाङ नगरपालिकाका नगर प्रमुख शङ्कर राईले १७ औं राष्ट्रिय धान दिवस एवं असार १५ को अवसरमा शुभकामना दिनु भएको छ ।
नगरवासीका नाममा शुभकामना दिँदै नगर प्रमुख राईले दिवस मनाउने, फोटो खिच्ने र पत्रपत्रिका र समाजिक सञ्जालमा पोष्ट गर्ने भन्दा कृषि उत्पादन बढाउने तिर क्रियाशील हुन आग्रह गर्नु भएको छ । उहाँले कोरोना भाइरसको महामारीले थलिएको मुलुकको अर्थतन्त्रलाई उठाउन कृषि उत्पादन र पशुपालन पहिलो विकल्प भएको बताउनु भएको छ । परम्परागत रुपमा हुने खेतीले निर्वाहा मात्र हुँदै आएकोले ब्यावसायिक खेती तर्फ लाग्न नगरबासीलाई आग्रह गर्नु भएको छ । ब्यावसायिक खेती र पशुपालनका लागि नगर किसानलाई साथ र सहयोग गर्न तयार रहेको बताउँदै खाद्यान्नको पर निर्भरता अन्त्य गर्ने मामिलामा धान दिवसले सार्थक परिमाण दिन सकोस भन्दै शुभकामना दिनु भएको छ ।
मानो खाएर मुरी उत्पादन गर्न खेतबारीमा काम गरिरहनु भएका सबै आमा ,बुबा, दाजु भाइ तथा दिदी बहिनीहरूमा धान दिवश र असार १५ ले आर्थिक रुपमा समृद्ध बनाउन सकोस , हार्दिक शुभकामना छ – नगर प्रमुख राईले भन्नुभएको छ ।

प्रकाशित मिति: २०२०-०६-२९ , समय : ०९:०५:४२ , ४ वर्ष अगाडि