इनेपालपत्र , ४४ पटक हेरिएको
काठमान्डौ, १९ चैत्र । राष्ट्रिय प्रजातन्त्र पार्टी (राप्रपा) का वरिष्ठ नेता तथा पूर्वमन्त्री दीपक बोहराको निधन भएको छ। काठमाडौंको ओम अस्पतालमा आज बिहान १०:५० बजे उपचारको क्रममा उनको निधन भएको पारिवारिक स्रोतले जनाएको छ।
बोहरा लामो समयदेखि पोस्ट कोभिड समस्याबाट ग्रसित थिए। रुपन्देही क्षेत्र नम्बर ३ बाट निर्वाचित सांसद रहेका उनले गत निर्वाचनमा नेपाली कांग्रेसका नेता बालकृष्ण खाँणलाई पराजित गरेका थिए।
उनको निधनको खबरसँगै राप्रपाका अध्यक्ष राजेन्द्र लिङ्देन लगायतका शीर्ष नेता तथा कार्यकर्ता अस्पतालमा पुगेका छन्। पार्टीले उनको निधनलाई अपूरणीय क्षति भएको बताएको छ।
बोहराको निधनले नेपाली राजनीतिक क्षेत्रमा शोकको वातावरण छाएको छ। उनका परिवारजनप्रति हार्दिक समवेदना व्यक्त गर्दै पार्टी तथा समर्थकहरूले श्रद्धाञ्जली अर्पण गरेका छन्।
प्रकाशित मिति: २०२५-०४-०१ , समय : १२:०८:०७ , २ दिन अगाडि