इनेपालपत्र , ११२ पटक हेरिएको
इटहरी, १ चैत। आसन्न चैत ५ गते हुने स्वतन्त्र विद्यार्थी युनियन (स्ववियु) चुनावका लागि पूर्वाञ्चल क्याम्पसमा चहलपहल बढ्दो छ। विभिन्न विद्यार्थी संगठनहरू चुनावी अभियानमा सक्रिय रहेका छन्। यसैबीच, नेपाल विद्यार्थी संघका तर्फबाट सभापति पदका उम्मेदवार सागर बस्याल आफ्नो संगठनात्मक भूमिकासँगै शैक्षिक अनुसन्धानमा समेत अगाडि बढिरहेको नाम हो।
सागर बस्याल विगत लामो समयदेखि विद्यार्थी हितका मुद्दामा सक्रिय रहँदै आएका छन्। “हरेक विद्यार्थीको समस्या मेरो समस्या हो” भन्ने मूलमन्त्रमा विश्वास राख्दै उनले क्याम्पसका विद्यार्थीहरूका शैक्षिक, भौतिक तथा प्रशासनिक समस्या समाधान गर्न विभिन्न तहमा पहल गर्दै आएका छन्। उनी सबै विद्यार्थीहरूको सहज पहुँच हुने नेतृत्व प्रदान गर्ने लक्ष्यसहित सभापति पदमा उम्मेदवार बनेका छन्।
क्याम्पसमा पर्ने विभिन्न प्रशासनिक समस्या, शैक्षिक गुणस्तर अभिवृद्धि, पुस्तकालय र प्रयोगशालाको आधुनिकीकरण, खेलकुद तथा अतिरिक्त क्रियाकलापहरूलाई प्रवर्द्धन गर्ने प्रतिबद्धतासहित उनी चुनावी अभियानमा छन्। क्याम्पसका विद्यार्थीहरूलाई गुणस्तरीय शैक्षिक वातावरण उपलब्ध गराउने र पूर्वाधार विकासलाई प्राथमिकता दिने उनको योजना रहेको छ।
नेतृत्व क्षमताका साथै सागर बस्याल अनुसन्धान क्षेत्रमा पनि निकै उत्साही छन्। हालै मात्र उनको अनुसन्धानपत्र “आरसीसी व्यापारिक भवनको संरचनात्मक विश्लेषण तथा भूकम्प प्रतिरोधी डिजाइन” स्वीकृत भएको छ। भूकम्पीय जोखिम न्यूनीकरणका लागि यो अनुसन्धान निकै महत्वपूर्ण मानिएको छ। आगामी असार महिनामा उनी आफ्नो अनुसन्धान टोलीसहित भारतको प्रतिष्ठित आईआईटी तिरुपति विश्वविद्यालयमा जाने तयारीमा छन्।
यो उपलब्धिले पूर्वाञ्चल क्याम्पसको प्रतिष्ठा बढाउनुका साथै प्रविधि र अनुसन्धान क्षेत्रमा नेपालका विद्यार्थीहरूको सम्भावना देखाएको छ। बस्यालको नेतृत्वमा विद्यार्थीहरूलाई अनुसन्धानतर्फ आकर्षित गर्ने, नवप्रवर्तन (इनोभेसन) को अवसरहरू सिर्जना गर्ने र अन्तर्राष्ट्रियस्तरमा प्रतिस्पर्धी बनाउने योजनाहरू छन्।
सागर बस्याल आफ्नो मिलनसार प्रवृत्ति, नेतृत्व क्षमता र समस्याहरू समाधान गर्ने सोचका कारण विद्यार्थीहरू माझ लोकप्रिय छन्। उनले क्याम्पसमा शिक्षण सिकाइलाई सुधार्न, प्रशासनिक सेवा सहज बनाउन, छात्रवृत्ति वितरणलाई पारदर्शी बनाउन र अन्य सुविधाहरू प्रभावकारी रूपमा कार्यान्वयन गर्न महत्वपूर्ण पहल गरेका छन्।
उनको नेतृत्वमा विद्यार्थीहरूका लागि विभिन्न तालिम, सेमिनार, करियर गाइड कार्यक्रम तथा उद्यमशीलता प्रवर्द्धन गर्ने गतिविधिहरूलाई प्राथमिकता दिइनेछ। क्याम्पसमा नयाँ विद्यार्थीहरूलाई सहज अनुभूति गराउने वातावरण सिर्जना गर्न उनी प्रतिबद्ध छन्।
स्ववियु चुनाव केवल विद्यार्थी राजनीतिसँग मात्र सीमित छैन, यो विद्यार्थी अधिकार र अवसरहरू सुनिश्चित गर्ने माध्यम हो। बस्यालको उम्मेदवारीले पूर्वाञ्चल क्याम्पसमा नयाँ दृष्टिकोणसहितको नेतृत्व स्थापित गर्ने सम्भावना देखाएको छ। उनी चुनाव प्रचारका क्रममा विद्यार्थीहरू माझ पुगेर उनीहरूको समस्या सुन्ने, छलफल गर्ने र समाधानका उपायहरू सुझाउने कार्यमा व्यस्त छन्।
सागर बस्याल नेतृत्व, अनुसन्धान र विद्यार्थीहरूको समृद्ध भविष्य निर्माणका लागि प्रतिबद्ध उम्मेदवार हुन्। आगामी चैत ५ गतेको चुनावमा उनले जित हाँसिल गरेमा पूर्वाञ्चल क्याम्पसको शैक्षिक तथा भौतिक पूर्वाधार विकासलाई नयाँ उचाइमा पुर्याउने विश्वास विद्यार्थीहरूले गरेका छन्।
प्रकाशित मिति: २०२५-०३-१४ , समय : ११:५४:३९ , ६ घन्टा अगाडि