लेटाङमा फिजियोथेरापी क्लिनिकको उद्घाटन

समारोहमा प्रमुख लावतीले स्वास्थ्य सेवाको पहुँचलाई अझ प्रभावकारी बनाउन यस क्लिनिकको स्थापना महत्वपूर्ण कदम भएको बताए। उनले लेटाङ क्षेत्रका नागरिकहरूलाई फिजियोथेरापी सेवाको अभाव अब समाप्त हुने र यसले समुदायमा स्वास्थ्य सुधारमा योगदान पुर्याउने विश्वास व्यक्त गरे।

लेटाङ एडभान्स हेल्थ केयर सेन्टरले विभिन्न शारीरिक समस्याहरू जस्तै नशा च्यापिनु, ढाड र गर्दनको दुखाई, प्यारालाईसिस, घुँडा र जोर्नीका समस्याहरू, तथा दुर्घटनापछिको रिहाब सेवा प्रदान गर्नेछ। क्लिनिकमा TENS, Laser, Ultrasound तथा Manual Therapy जस्ता अत्याधुनिक उपकरणहरूको प्रयोगबाट उपचार गरिने जानकारी पनि कार्यक्रममा दिइयो।

यस क्लिनिकको सञ्चालनले लेटाङ नगरपालिका र आसपासका क्षेत्रका बासिन्दाहरूलाई विशेष रूपमा लाभ पुग्ने अपेक्षा गरिएको छ। कार्यक्रममा स्थानीय बासिन्दाहरू, स्वास्थ्यकर्मीहरू, र विभिन्न क्षेत्रका प्रतिनिधिहरूको उपस्थिति थियो।