प्रशान्त निरौला , १३७ पटक हेरिएको
मोरङ, ३ भदौ। मोरङको लेटाङमा आयोजित लाखे जात्रा भव्य रूपमा सम्पन्न भएको छ। लाखे जात्रामा विभिन्न जातजाति र संस्कृति झल्काउने पोसाक र नाचसहित एकताको सन्देश प्रवाह गरिएको छ।
भिमसेन मन्दिरमा पूजापाठ गरेर जात्राको प्रारम्भ गरिएको थियो। त्यसपछि लाखे नाच, विभिन्न जातजातिका सांस्कृतिक झाँकी, बाजागाजा, र स्थानीय कलाकारहरूको प्रस्तुति समावेश गरिएको जात्राले बजार परिक्रमा गरेको छ।जात्रा बी.पी. चोकमा पुगेर समापन गरिएको थियो, जहाँ स्थानीय वासिन्दा र दर्शकहरूले सांस्कृतिक कार्यक्रमहरूको भरपूर आनन्द लिएका थिए। यस अवसरमा स्थानीय कलाकारहरूको प्रस्तुति, झाँकी, र नाचले जातजातिहरूबीचको एकता र सहकार्यलाई अझ मजबुत बनाएको छ।
यस वर्षको लाखे जात्राले लेटाङ क्षेत्रको सांस्कृतिक धरोहरलाई जगेर्ना गर्दै हरेक जातजाति र समुदायबीचको सहकार्यलाई प्रवर्द्धन गर्ने लक्ष्य राखेको आयोजक समितिले जनाएको छ।
प्रकाशित मिति: २०२४-०८-१९ , समय : १८:२४:४९ , ८ महिना अगाडि