ईनेपालपत्र , १९३ पटक हेरिएको
लेटाङ, १८ भदौ । मोरङ लेटाङ नगरपालिका वडा नं. ९ बार्हिगोठे युवा क्लव (BYC)को आयोजनामा “लेटाङ इन्टर कप फुटबल प्रतियोगिता २०८०” सुरु भएको छ ।
आइतबार “लेटाङ हाम्रो पहिचान,स्थानीय खेलाडी उत्पादन हाम्रो अभियान” भन्ने मुल उद्देश्यका साथ प्रतियोगिता उद्घाटन गरिएको हो ।
लेटाङ नगरपालिका भरीका क्लब र खेलाडि सहभागी रहने प्रतियोगिताको उद्घाटन खेलमा सगरमाथा एफ.सी. र सिदार्थ एफ.सी ले बिजयी सुरुवात गरेको छ । उद्घाटन खेलको दुबै खेल बराबरी भए पछि ट्राइब्रेकरमा सगरमाथाले द बोइज र सिदार्थले चिसाङलाई पछि पार्दै जितेका थिए।
उद्घाटन खेलको प्रमुख अतिथि लेटाङ ९ न. वडा अध्यक्ष नन्द प्रसाद खतिवडा रहेका थिए। प्रतियोगिताको प्रमुख अतिथीले रेफ्रीलाई बल हस्तान्तरण गर्दै खेल उद्घाटन गरिएको थियो।
भदौ २३ गते सम्म संचालन हुने प्रतियोगिताको बिजेताले नगद २५ हजार र उपबिजेताले १५ हजार सहित ट्रफी,मेडल,प्रमाणपत्र प्राप्त गर्ने प्रतियोगिता संयोजक डम्बर लिम्बुले बताउनु भयो।
उत्कृष्ट गोल किपर,हाइ स्कोरर र सेमिफाइनल देखि म्यान अफ दि म्याच पनि दिइने लिम्बूले बताएका छन।
आजको दोस्रो दिनको जाँते ९ सनराइज युनाइटेड र एमडिफाइभसी युनाइटेड किँरात चौक बिच प्रतिस्पर्धा रहने र एमडिफाइभसी लाई पाहुना टिमको रुपमा लिइ सहभागी गराईएको खेल सल्लाहकार संयोजक भुपेश लिम्बुले जानकारी दिएका छ्न।
प्रकाशित मिति: २०२३-०९-०४ , समय : १०:२९:४६ , १ वर्ष अगाडि