इनेपालपत्र , ३५९ पटक हेरिएको
मोरङ ,२८ अशोज । मोरङ क्षेत्र नम्बर १ बाट आगामी ४ मंसिरमा हुने प्रतिनिधि सभा सदस्य उम्मेदवार पूर्व संविधानसभा सदस्य तथा नेपाली कांग्रेस मोरङ जिल्ला सभापति डिगबहादुर लिम्बूले किरात धर्मगुरु मुहिङगुम अङसीमाङ आत्मानन्द लिङ्देन ‘सेइङ’ संग गुरु भेट दर्शन गरेका छन् ।
शुक्रबार इलामको माङ्सेबुङ ५ लारुम्बा गुरुनिजि आश्रम स्थित गुरु आत्मानन्द सेइङ संग लिम्बूले भेट दर्शन गरेका छन् । मोरङ क्षेत्र नम्बर १ का प्रतिनिधि सभाको उम्मेदवार समेत रहेका लिम्बूले किरात धर्मगुरुसंग आशीर्वाद लिएका छन् ।
मोरङ क्षेत्र नम्बर १ मा लोकतान्त्रिक बाम गठबन्धनको तर्फबाट नेपालि काग्रेसका डिगबहादुर लिम्बू र एमाले गठबन्धनबाट नेता घनश्याम खतिवडाको मुख्य प्रतिस्पर्धा हुने भएको छ ।
२०७० को दोस्रो संविधानसभाको निर्वाचनमा खतिवडा लिम्बूसंग पराजित भएका थिए । त्यस्तै २०७४ को निर्वाचनमा लिम्बू खतिवडा संग पराजित भएका थिए ।
प्रकाशित मिति: २०२२-१०-१४ , समय : १७:२५:०० , २ वर्ष अगाडि