Enepal Patra Pvt. Ltd. , ११६२ पटक हेरिएको
विराटनगर, २४ बैशाख । जिल्ला प्रशासन कार्यालयले शुक्रबारदेखि निषेधाज्ञालाई झन कडा बनाउँदै एक हप्ताका लागि निषेधाज्ञा अवधि थपेको छ ।
बिहीबार बसेको जिल्ला सुरक्षा समितिको बैठकपछि प्रमुख जिल्ला अधिकारी कोषहरि निरौलाले विभिन्न २३ वटा बुँदामा निषेधाज्ञा आदेश जारी गरेका हुन् ।
कोरोना भाइरस ९कोभिड १९० को दोस्रो लहरमा संक्रमण दर दैनिक बढेको र भारतसहित छिमेकी जिल्लाहरुमा समेत फैलिइरहेको भन्दै प्रशासनले संक्रमण नियन्त्रणका लागि भन्दै २०७८ बैशाख २४ गते राती अर्थात आज शुक्रबारदेखि आगामी जेठ १ गते राती १२ बजेसम्मका लागि निषेधाज्ञा आदेश जारी गरेको हो ।
प्रशासनले पहिलो चरणमा बैशाख १८ गते राती १२ बजेदेखि एक साताका लागि निषेधाज्ञा आदेश जारी गरेको थियो ।
उक्त आदेशको अवधि सकिनु एक दिन अघि नै जिल्लाभरी आदेश लागू हुने गरी संसोधनसहित नयाँ आदेश जारी गरिएको जनाइएको छ ।
यसअघि विराटनगर महानगरपालिका, बुढिगंगा गाउँपालिकासहित निश्चित स्थानीय तह र वडाहरुमा मात्रै लागु हुने गरी निषेधाज्ञा गरिएको थियो । 
प्रकाशित मिति: २०२१-०५-०७ , समय : १२:०१:०५ , ४ वर्ष अगाडि